WAPANDA BODABODA WAWILI WAUAWA NA LORI MOROGORO

Miili ya vijana wawili waliokufa papohapo baada ya pikipiki (bodaboda) waliyokuwa wakisafiria kugongana na lori eneo la daraja la Kihonda katika barabara kuu ya Morogoro-Dodoma leo.

Askari wa Usalama barabarani wakiwa eneo la tukio baada ya ajali hiyo. Pembeni ni mwili wa kijana mmoja kati ya wawili waliofariki katika ajali hiyo.

WATU wawili wamekufa papohapo leo mchana mjini Morogoro baada ya pikipiki (bodaboda) waliyokuwa wakisafiria kugongana na lori eneo la daraja la Kihonda katika barabara kuu ya Morogoro-Dodoma.
Wakizungumza na mwandishi wa habari hizi, mashuhuda wa tukio hilo walisema dereva wa bodaboda akiwa amepakia abiria wawili kwa mtindo wa 'mshikaki' aligongana uso kwa uso na lori hilo wakati akijaribu kulipita lori jingine katikati ya daraja hilo ambapo dereva wa bodaboda na abiria mmoja walifariki na abiria mwingine kukimbizwa hospitali akiwa katika hali mbaya.