SOPHIA SIMBA AMLIZA ANNE KILANGO UWT

Mwenyekiti wa Jumuiya ya Umoja wa Wanawake Tanzania, Sophia Simba akishangilia ndani ya Ukumbi wa Chuo cha Mipango kwenye mkutano mkuu wa 8 wa umoja huo taifa uliofanyika jana, mjini Dodoma. Picha na Edwin Mjwahuzi

AZOZANA NA SHYROSE, NUSURA WAZIPIGE UKUMBINI KABLA YA UCHAGUZI

Na Habel Chidawali, Mwananchi Dodoma
WAZIRI wa Maendeleo ya Jamii, Jinsia na Watoto, Sophia Simba ameendeleza ubabe wake dhidi ya hasimu wake kisiasa, Anne Kilango baada ya kumbwaga kwa idadi kubwa ya kura katika uchaguzi wa Umoja wa Wanawake wa CCM (UWT).
Hii ni mara ya pili kwa Simba kumshinda Kilango katika kuwania nafasi ya uenyekiti wa UWT, mara ya kwanza ilikuwa mwaka 2008, ambapo Simba aliibuka mshindi.
Katika uchaguzi huo uliofanyika mjini Dodoma ukisimamiwa na Waziri wa Ardhi, Nyumba na Maendeleo ya Makazi, Profesa Anna Tibaijuka, Sophia Simba alipata kura 716 huku Kilango akipata kura 310 na mgombea wa tatu wa nafasi hiyo Maryrose Majinge aliambulia kura 7.
Simba, Bhanj wazozana