HUYU NDIYE MAMA ALIYEJIFUNGUA NA KUWAPA MAJINA WATOTO WAKE MAPACHA BARACK OBAMA NA MITT ROMNEY. PICHANI AKIWA NA WATOTO WAKE

MWANAMKE mmoja Mkenya, Millicent Owuor, 20, ambaye alijifungua mapacha siku Rais Barack Obama wa Marekani alipochaguliwa tena hivi…

Millicent Owuor akifurahia mapacha wake kitandani aliowapa majina ya Barack Obama na Mitt Romney.

...Akipozi nao mbele ya watu wa vyombo vya habari (hawapo pichani).

MWANAMKE mmoja Mkenya, Millicent Owuor, 20, ambaye alijifungua mapacha siku Rais Barack Obama wa Marekani alipochaguliwa tena hivi karibuni, amewapa watoto hao majina ya Barack Obama na aliyekuwa mpinzani wake, Mitt Romney.
Mama huyo anayeishi karibu na kijiji cha chimbuko la familia ya Obama na ambako watu walikuwa wakifurahia ushindi wake, alisema alimpa mtoto aliyezaliwa kwanza jina la Barack na aliyefuata akamwita Mitt.  Aliyasema hayo alipokuwa akihojiwa na shirika la habari la Reuters.
Owuor alipigwa picha akiwa na mapacha hao katika Hospitali ya Wilaya ya Siaya ambako ni karibu na kijiji cha asili cha kina Obama cha Nyangoma-Kogelo.
Baba yake Rais Obama alizaliwa nchini Kenya, na  bibi yake wa kambo, Sarah Obama,  anayefikisha miaka 90 mwaka huu, anaishi kijijini Kogelo.
Baba yake Obama alikufa kwa ajali ya gari nchini Kenya mwaka 1982.