AMBER ROSE AOMBA TALAKA KWA WIZ KHALIFA

Ndoa ya Wiz Khalifa na Amber Rose imefika ukingoni.

Amber ameomba talaka kwa mume wake huyo aliyedumu naye kwa mwaka mmoja. Amber ambaye aliwahi kuwa mpenzi wa Kanye, siku za hivi karibuni amekuwa karibu na meneja wake, Nick aliyekuwa mume wa Mariah Carey.

Rose anataka kuchukua udhibiti wa mtoto wao Sebastian, mwenye umri wa mwaka mmoja, kwa mujibu wa TMZ. Atamruhusu Wiz kumtembelea mwanae. TMZ imedai imeziona nyaraka za talaka ambazo zinaonesha kuwa wapenzi hao waliachana Jumatatu hii kwa kile kilichodaiwa tofauti zisizosuluhishika.